សាសន៍ដាន់ Danites គឺជាពូជពង្សរបស់ដាន់ដែលជាកូនប្រុសទីប្រាំរបស់យ៉ាកុប (សូមមើល http://www.dkdl.org/?page_id=2021)។ ម្តាយរបស់ដាន់គឺប៊ីលហាដែលជាបាវស្រីរបស់រ៉ាជែល (លោកុប្បត្ដិ ៣០:៦)។ យ៉ាកុបបានប្រកាសផ្តល់ព្រះពរថា «ដាន់នឹងជំនុំជំរះបងប្អូនរបស់ខ្លួន» (៤៩:១៦) ដែលប្រហែលជាសំដៅទៅលើសាំសុន ដែលមកពីពូជអំបូរដាន់។
នៅពេលធ្វើដំណើរឆ្លងកាត់វាលរហោស្ថានពូជអំបូរដាន់មានទីតាំងរបស់ពួកគេនៅខាងជើងរោងឧបោសថ(ជនគណនា ២:២៥, ៣១; ១០:២៥)។ ពូជអំបូរដាន់គឺជាពូជអំបូរចុងក្រោយបង្អស់ដែលទទួលបានចំណែកនៅក្នុងទឹកដីសន្យា។ យ៉ូស្វេ ១៩:៤០-៤៨ បានពិពណ៌នាអំពីទឹកដីរបស់ពួកគេដែលមានទំហំតូច ប៉ុន្តែជាទឹកដីមានជីជាតិដែលបញ្ចូលទាំងទីក្រុងផ្សេងៗ រួមទាំង លីដា យ៉ុបប៉េ និងអេក្រុន ដែលបានបង្កើតព្រំដែនខាងជើងរបស់ពួកគេ។ ប៉ុន្តែពួកគេពិបាកទទួលយកទឹកដីនេះហើយពួកគេចង់បានទឹកដីបន្ថែម។ ពួកគេបានបញ្ជូនអ្នកស៊ើបការណ៍ប្រាំនាក់ទៅទិសខាងជើងហើយអ្នកស៊ើបការណ៍ទាំងនោះបានរាយការណ៍អំពីចំណុចល្អរបស់តំបន់នោះ។ ដូច្នេះ ពួកគេបានសម្រេចចិត្តចាប់យកទឹកដីនេះ(ពួកចៅហ្វាយ ១៨:១-១០; យ៉ូស្វេ ១៩:៤៧)។
សាសន៍ដាន់បានដើរតាមសាសនាអាក្រក់នៅជុំវិញពួកគេ ហើយពួកគេមិនបានដើរតាមការត្រាស់ហៅរបស់ព្រះសំរាប់អ៊ីស្រាអែលទេ។
Leave a Reply