ទំនុកដំកើង ២
សេចក្តីផ្តើម ទំនុកដំកើង ជំពូក២ គឺជាសេចក្ដីសេចក្ដីសង្ខេបមួយដ៏ល្អនៃព្រះរាជសាររបស់ព្រះគម្ពីរ។ ប្រសិនបើយើងយល់ពីទំនុកតម្កើង ២ ផងដែរ នោះវានឹងជួយឱ្យយើងយល់ពីព្រះគម្ពីរទាំងមូល។ ទំនុកនេះមាន១២ខ ហើយបួនផ្នែក។ ផ្នែកនីមួយមានចំនួនបីខនិងជាសំឡេងនៃអ្នកនិយាយផ្សេងពីគ្នា។
សូមអានទំនុកដំកើងជំពូក ២ ទាំងមូល។
ចូរអានខ.១-៣ ឡើងវិញ។ តើ អស់ទាំងសាសន៍ជ្រួលជ្រើមឡើង ហើយពួកមហាក្សត្រនៅផែនដីលើកគ្នាឡើង ពួកគ្រប់គ្រងទាំងប៉ុន្មានក៏ប្រឹក្សាគ្នាដើម្បីធ្វើអ្វី?
ការពន្យល់ ផ្នែកដំបូង (ខ.១-៣) គឺជាសំឡេងរបស់ប្រទេសទាំងអស់។ «ផ្តាច់ចំណងទ្រង់ ហើយបោះខ្សែចងរបស់ទ្រង់ពីយើងចេញ» គឺជារូបភាពស្ដីអំពីការបះបោរប្រឆាំងនឹងព្រះ។ ព្រះទ្រង់មានអំណាចលើប្រទេសជាតិទាំងអស់ ប៉ុន្តែប្រជាជាតិចង់មានសេរីភាពពីអាជ្ញាធររបស់ព្រះ។ តើ ព្រះនឹងឆ្លើយតបទៅនឹងការបះបោរនេះយ៉ាងម៉េច? ផ្នែកទីពីរ(ខ.៤-៦) នឹងឆ្លើយសំនួរនេះ។
ចូរអាន ខ.៤-៦។ តើ ព្រះជាម្ចាស់បានឆ្លើយតបទៅនឹងការបះបោររបស់អស់ទាំងសាសន៍យ៉ាងម៉េច?
ការពន្យល់ ផ្នែកទីពីរ (ខ.៤-៦) គឺជាសំឡេងរបស់ព្រះជាម្ចាស់។ បើសិនជាកម្លាំងនៃអស់ទាំងសាសន៍បានប្រឆាំងនឹងខ្ញុំ នោះខ្ញុំនឹងមានការភ័យខ្លាច។ ព្រះជាម្ចាស់គឺមិនភ័យខ្លាចជាតិសាសន៍ណាមួយទេ។ ផ្ទុយទៅវិញ «ទ្រង់នឹងសើច ព្រះអម្ចាស់ទ្រង់នឹងចំអកឱ្យគេ»។ «ព្រះដែលគង់នៅស្ថានសួគ៌» គឺជារូបភាពស្ដីអំពីអំណាចរបស់ព្រះជាម្ចាស់។ ស៊ីយ៉ូនសំដៅលើ យេរូសាឡិម ដែលជាកន្លែងស្តេចយូដាបានគ្រប់គ្រង ដូច្នេះ អត្ថបទនេះនិយាយអំពីស្តេចយូដា។ ដូច្នេះ អស់ទាំងសាសន៍ចង់បានសេរីភាពពីអំណាចរបស់ព្រះជាម្ចាស់ ហើយព្រះអង្គឆ្លើយតបដោយតាំងស្តេចរបស់អញ (ស្តេចយូដា) ដើម្បីអោយទ្រង់នោះគ្រប់គ្រងលើអស់ទាំងសាសន៍។ តើស្តេចយូដានេះនឹងឆ្លើយតបទៅនឹងការបះបោររបស់អស់ទាំងសាសន៍យ៉ាងម៉េច? ផ្នែកទីបី (ខ.៧-៩)នឹងឆ្លើយសំនួរនេះ។
ចូរអាន ខ.៧-៩។ តើ កូនព្រះជាម្ចាស់នឹងទទួលអ្វី (ខ.៨)?
តើ កូនព្រះជាម្ចាស់នឹងធ្វើអ្វី (ខ.៩)?
ការពន្យល់ ព្រះរាជបុត្រានឹងទទួល «អស់ទាំងចុងផែនដីទុកជាកេរ្តិ៍អាករ» ដូច្នេះ ស្តេចនេះមិនគ្រាន់តែជាស្តេចនៃជនជាតិយូដាប៉ុណ្ណោះទេ លើសពីនេះទៅទៀត ទ្រង់ជាស្តេចលើទាំងអស់។ អត្ថបទនេះបានរៀបរាប់យ៉ាងច្បាស់អំពីព្រះយេស៊ូវដែលជាព្រះរាជបុត្រា (ខ.៧) ជាស្តេចយូដានិងស្តេចលើទាំងអស់។ អត្ថបទនេះបង្ហាញជាក់ស្ដែងថា ព្រះរាជបុត្រានឹងមិនអនុញ្ញាតឱ្យលោកិយបះបោរដោយគ្មានការដាក់ទណ្ឌកម្មទេ។ ផ្ទុយទៅវិញ ទ្រង់នឹងបំផ្លាញអស់ទាំងសាសន៍ ដែលបះបោរប្រឆាំងនឹងព្រះជាម្ចាស់។ នេះហើយជាចម្លើយរបស់ព្រះជាម្ចាស់ចំពោះការបះបោររបស់លោកិយ។ បើព្រះរាជបុត្រានឹងបំបាក់បំបែកមនុស្សលោកដោយដំបងដែក ព្រមទាំងបោក កំទេចគេទៅ តើយើងមានសេចក្ដីសង្ឃឹមឬទេ? ផ្នែកទីបួន (ខ.១០-១២) នឹងឆ្លើយសំនួរនេះ។
ចូរអានខ.១០-១២។ តើ អត្ថបទនេះជំរុញចិត្តពួកមហាក្សត្រនិងលោកិយអោយធ្វើអ្វី?
ការពន្យល់ «ថើបព្រះរាជបុត្រា» គឺជាការថ្វាយបង្គំ។ នៅដើមទំនុកដំកើងនេះលោកិយបានបះបោរប្រឆាំងនឹងព្រះជាម្ចាស់ហើយព្រះអង្គនឹងបំផ្លាញគេ (ខ.៩)។ ដូច្នេះហើយគេត្រូវលែងបះបោរ ហើយចុះចូលនិងបម្រើព្រះអង្គវិញ ហើយយកព្រះរាជបុត្រាជាទីពឹងជ្រក (ខ.១២)។ នេះគឺជាក្តីសង្ឃឹមតែមួយគត់សំរាប់ពិភពលោក។
ការអនុវត្ត តើមានអ្វីនឹងកើតឡើងចំពោះមិត្តភក្តិសាច់ញាតិនិងអ្នកជិតខាងដែលបះបោរប្រឆាំងនឹងព្រះ?
យើងគួរធ្វើអ្វីដើម្បីដោះស្រាយគ្រោះថ្នាក់នេះ?
នៅក្នុង២:៦-២១ ហោរាអេសាយសំដែងយ៉ាងជាក់ស្ដែងអំពីអំពើបាបពីរដ៏ធំរបស់មនុស្សគឺ ការថ្វាយបង្គំរូបព្រះនិង អំនួត។ នៅក្នុងខ.២២ គាត់បានពន្យល់អំពីគ្រឹះនៃបាបទាំងពីរនេះ គឺយើងពឹងផ្អែកលើមនុស្ស។ តើអ្នកពឹងផ្អែកលើមនុស្ស ឬអ្វីដែលយើងធ្វើពីដៃ ឬរូបព្រះ ឬប្រាក់ ឬមាស? ទាំងអស់នេះមិនអាចជួយយើង «នៅថ្ងៃនោះ»ទេ។
រំលឹកទ្បើងវិញ តើយើងបានរៀនអ្វីអំពីព្រះជាម្ចាស់ចេញពី ទំនុកដំកើង ២?
តើយើងបានរៀនអ្វីអំពីមនុស្សលោកចេញពីទំនុកដំកើង ២?
ការអនុវត្ត: តាមអ្វីដែលអ្នកបានរៀនតាមរយៈបទគម្ពីរនេះ តើអ្នកត្រូវយកវាមកអនុវត្តយ៉ាងដូចម្តេចនាពេលសព្វថ្ងៃនេះ?
Leave a Reply