1 Pt. 1.1-12 download
១ពេត្រុស ១:១–១២
សូមអាន១ពេត្រុស ១:១-១២ ទាំងមូល។
សូមអានខ.១-២ ទ្បើងវិញ។ តើលោកពេត្រុសប្រកាសខ្លួនគាត់ជាអ្នកណា? ហើយគាត់សរសេរសំបុត្រនេះទៅកាន់អ្នកណា? ហើយពួកគេសំណាក់នៅស្រុកណាខ្លះ?
លោកពេត្រុសបានបង្ហាញអង្គបុគ្គលបីនៅក្នុងការដែលព្រះបានជ្រើសតាំងមនុស្សធ្វើជារាស្ត្ររបស់ទ្រង់ តើអង្គបុគ្គលទាំងបីនោះមានអង្គណាខ្លះ ?
ការពន្យល់ និងការអនុវត្ត៖ សាវកជាភាសាក្រិកមានន័យថា «ម្នាក់ដែលត្រូវបានគេបញ្ជូនទៅ) ហើយសេចក្តីពិតដែលលោកពេត្រុសហៅខ្លួនគាត់ថាជាសាវកនៃព្រះគ្រីស្ទ បង្ហាញយើងឲ្យដឹងអំពីអំណាចនិងប្រភពរបស់សំបុត្រមួយនេះ ដែលជាព្រះយេស៊ូវគ្រីស្ទ។
ព្រះត្រៃឯកមានតួនាទីយ៉ាងសំខាន់ណាស់ក្នុងការជ្រើសតាំងមនុស្សមួយចំនួនទុកជារាស្ត្រផងទ្រង់។ ព្រះវរបិតាជាអ្នករើសតាំងយើង ព្រះយេស៊ូវសុគតជំនួសអំពើបាបរបស់យើង ហើយព្រះវិញ្ញាណជាអ្នកញែកយើងជាបរិសុទ្ធដើម្បីឲ្យយើងស្តាប់បង្គាប់។ តើអ្នកគិតថាសេចក្តីអត់ទោសបាបគួរតែរួមទាំងការស្តាប់បង្គាប់ដែរឬទេ? តើអ្នកគិតយ៉ាងដូចម្តេច បើសិនមនុស្សម្នាក់មានសេចក្តីជំនឿ តែគ្មានការស្តាប់បង្គាប់ដល់ព្រះ?
សូមអានខ.៣-៥ ម្តងទៀត ហើយបំពេញចន្លោះខាងក្រោម។
លោកពេត្រុសសរសើរដល់ព្រះវរបិតាដោយព្រោះទ្រង់បង្កើតយើងជា តាម ដើម្បីឲ្យយើងរាល់គ្នាបាន ដោយសារព្រះយេស៊ូវគ្រីស្ទ ហើយឲ្យយើងបាន ដែលមិនចេះពុករលួយដែលនៅស្ថានសួគ៌ គឺជា ដោយសារសេចក្តីជំនឿ។
ការពន្យល់ និងការអនុវត្ត៖ ខ. ៣-៥ បង្ហាញយើងឲ្យឃើញថា សេចក្តីមេត្តាករុណាដ៏ធំរបស់ព្រះបាននាំ ឲ្យព្រះយេស៊ូវយាងមករងទុក្ខសុគត ដើម្បីឲ្យយើងមានសេចក្តីសង្គ្រោះ មានសេចក្តីសង្ឃឹម និងទទួលមរដកដែលមិនចេះពុករលួយនៅស្ថានសួគ៌នៅពេលព្រះយេស៊ូវយាងត្រឡប់មកវិញម្តងទៀត។ មរដកដែលមិនចេះពុករលួយនោះគឺជាជីវិតអស់កល្បជានិច្ច ដែលព្រះបានរៀបចំសំរាប់អស់ពួកអ្នកជឿ ហើយមរដកនោះខុសគ្នាស្រឡះពីមរដកនៅលើផែនដីដែលមនុស្សខិតខំស្វែងរកនិងបន្សល់ទុក ដែលវានឹងត្រូវបាត់បង់ជាពិត។ សេចក្តីពិតនេះគួរតែរំលឹកយើងជាគ្រីស្ទបរិស័ទគ្រប់ពេលវេលា ខណៈដែលយើងកំពុងរស់នៅក្នុងលោកិយដែលកំពុងធ្លាក់ចុះនេះ។
សូមអានខ. ៦-៩ ម្តងទៀត
ពេត្រុសនិយាយថា ការដែលត្រូវរងទុក្ខព្រួយ និងសេចក្តីល្បួងផ្សេងៗនៅក្នុងជីវិតគ្រីស្ទបរិស័ទគឺជាការសាកលសេចក្តីជំនឿ ប្រយោជន៍ឲ្យយើងនឹងបានទទួលសេចក្តីសង្គ្រោះដ៏ពេញលេញដល់ព្រលឹង នៅពេលព្រះយេស៊ូវគ្រីស្ទយាងមកវិញ។
ចុះសំរាប់អ្នកវិញ តើអ្នកធ្លាប់ជួបប្រទះនឹងទុក្ខព្រួយ និងសេចក្តីល្បួងផ្សេងៗនៅក្នុងជីវិតគ្រីស្ទបរិស័ទរបស់អ្នកដែរឬទេ? ហើយតើពេលនោះអ្នកបានគិតថា វាគ្រាន់តែជាការសាកលសេចក្តីជំនឿរបស់អ្នក ហើយអ្នកនៅតែរក្សាសេចក្តីជំនឿ អំណរ និងសេចក្តីសង្ឃឹមនៅក្នុងព្រះអម្ចាស់ដែរឬទេ? តើអ្នកដឹងថាខ្លួនអ្នក សមាជិកពួកជំនុំ និងមិត្តភ័ក្ដិគ្រីស្ទបរិស័ទរបស់អ្នក បានរៀបចំខ្លួនជាស្រេចសំរាប់ពេលព្រះយេស៊ូវយាងមកវិញហើយឬនៅ?
សូមអានខ. ១០-១២ ហើយឆ្លើយសំនួរខាងក្រោម។
តើក្រុមមនុស្សទីមួយ ដែលព្រះបង្គាប់ ឲ្យនាំសេចក្តីសង្ឃឹមអំពីសេចក្តីសង្គ្រោះ គឺជាអ្នកណា? ហើយក្រុមទីពីរគឺជាអ្នកណា? តើសេចក្តីសង្ឃឹមអំពីសេចក្តីសង្គ្រោះនោះមាននៅក្នុងអ្វី?
ការពន្យល់ និងការអនុវត្ត៖ លោកពេត្រុសនិយាយថា ពួកហោរាបានទាយអំពីព្រះគ្រីស្ទ ការរងទុក្ខនិងសិរីល្អរបស់ទ្រង់ ហើយពួកគេបានបំរើដល់ពួកយើងជាគ្រីស្ទបរិស័ទ ទោះបើពួកគេបានរស់នៅក្នុងសម័យព្រះគម្ពីរសញ្ញាចាស់ក៏ដោយ។ ព្រះយេស៊ូវបានមានបន្ទូលថា ព្រះគម្ពីរសញ្ញាចាស់ទាំងមូលបានចែងអំពីទ្រង់ ហើយនៅទីនេះលោកពេត្រុសនិយាយដូចគ្នាដែរ។ ដូច្នេះ នៅពេលយើងអានព្រះគម្ពីរសញ្ញាចាស់ សំនួរសំខាន់ដែលយើងគួរតែសួរគឺ «តើចំនុចនេះចង្អុលទៅកាន់ការរងទុក្ខនិងសិរីល្អរបស់ព្រះយេស៊ូវយ៉ាងដូចម្តេច?»
រំលឹកទ្បើងវិញ៖ តើយើងបានរៀនអ្វីខ្លះចេញពី១ពេត្រុស ១:១-១២?
Leave a Reply