Nahum Intro pdf download
សារៈសំខាន់នៃកណ្ឌណាហ៊ុម Importance of Nahum
កណ្ឌណាហ៊ុមមានសារៈសំខាន់ខ្លាំងណាស់ ពីព្រោះគាត់បានព្រមានថា ការវិនិច្ឆ័យរបស់ព្រះនឹងមកទាស់នឹងពួកអ្នកគាបសង្កត់ ដែលមានអំណាចដ៏ខ្លាំង។ នៅក្នុងពិភពលោកនេះ ពេលខ្លះមើលទៅហាក់ដូចជា គ្មានអ្នកណាអាចយកឈ្នះលើអ្នកគាបសង្កត់ ដែលមានអំណាចខ្លាំង ហើយក៏មិនដែលមានការវិនិច្ឆ័យសំរាប់ពួកគេដែរ ប៉ុន្តែនេះមិនមែនជាការពិតឡើយ គឺពួកគេនឹងទទួលការវិនិច្ឆ័យដ៏ធំពីព្រះជាម្ចាស់។
កាលៈទេសៈតាមប្រវត្តិសាស្ត្រនៅសម័យណាហ៊ុមនិងខ្លឹមសារនៃប្រសាសន៍របស់ណាហ៊ុម Historical background to Nahum and basic message
ហោរាណាហ៊ុមមិននិយាយប្រឆាំងនឹងអ៊ីស្រាអែល ឬយូដាដូចហោរាផ្សេងៗទៀតទេ។ កណ្ឌណាហ៊ុមគឺជាទំនាយមួយស៊េរីអំពីការវិនិច្ឆ័យលើចក្រភពអាសស៊ើរនិងនីនីវេ (ជារាជធានីរបស់ពួកគេ) ដែលព្រះបានប្រទាននៅក្នុងនិមិត្តមួយដល់ហោរាណាហ៊ុម ដែលឈ្មោះណាហ៊ុមនេះមានន័យ «កំសាន្តចិត្ត»។ ហោរាណាហ៊ុមបានប្រកាសទំនាយទាំងនោះ នៅពេលវេលាមួយចន្លោះឆ្នាំ៦៦០ដល់៦៣០មុនគ.ស ជាពេលវេលាដូចគ្នានឹងពេលវេលារបស់ហោរាយេរេមា ហាបាគុក និងសេផានា។ ទំនាយរបស់ហោរាណាហ៊ុមបានសម្រេចកើតឡើងនៅពេលទីក្រុងនីនីវេត្រូវបានបំផ្លាញនៅក្នុងឆ្នាំ៦១២មុនគ.ស ហើយនីនីវេគឺជាអ្នកស្តាប់ផ្ទាល់នៃការប្រកាសរបស់ហោរាណាហ៊ុមអំពីការវិនិច្ឆ័យរបស់ព្រះ ដែលត្រូវមកដល់។ អាសស៊ើរគឺជាមហាអំណាច ដែលព្រះបានប្រើ ដើម្បីដាក់ទណ្ឌកម្មអាណាចក្រខាងជើង (គឺអ៊ីស្រាអែល) ដែលមិនស្មោះត្រង់ ដែលពួកគេបានទទួលលទ្ធផលជាការនិរទេសនិងការជាប់ចំណង (២ពង្សាវតារក្សត្រ ១៧)។ តាមរយៈការព្រមានរបស់ហោរាយ៉ូណាស នីនីវេបានប្រែចិត្តចេញពីសេចក្តីអាក្រក់របស់ខ្លួនប៉ុន្មានឆ្នាំមុនហោរាណាហ៊ុម ប៉ុន្តែការប្រែចិត្តនេះមានតែរយៈខ្លីប៉ុណ្ណោះ ហើយពួកគេក៏ត្រឡប់ជាអំនួតថា ពួកគេគឺជាចក្រភពដ៏ធំអស្ចារ្យនៅលើផែនដី។
គម្រោង Outline
សេចក្តីក្រោធរបស់ព្រះអម្ចាស់ចំពោះនីនីវេ (១:១-១៥)
ការធ្លាក់ចុះរបស់នីនីវេ (២:១-១៣)
បទចម្រៀងអំពីសេចក្តីវេទនារបស់នីនីវេ (៣:១-១៩)
របៀបអានកណ្ឌណាហ៊ុម How to read Nahum
ដើម្បីយល់និងអនុវត្តកណ្ឌណាហ៊ុមអោយបានត្រឹមត្រូវ សំខាន់យើងត្រូវយល់កណ្ឌនេះនៅក្នុងបរិបទដើមរបស់វានៅក្នុងប្រវត្តិសាស្ត្រ និងនៅក្នុងបរិបទនៃព្រះគម្ពីរទាំងមូល។ ដើម្បីយល់បែបនេះបាន យើងត្រូវឆ្លើយនឹងសំនួរប្រាំដូចខាងក្រោម។
១. តើគោលបំណងរបស់កណ្ឌណាហ៊ុមសំរាប់អ្នកអានដើមដំបូងក្នុងសម័យព្រះគម្ពីរសញ្ញាចាស់គឺជាអ្វី?
២. តើកណ្ឌនេះបង្រៀនយើងអ្វីខ្លះអំពីព្រះជាម្ចាស់?
៣. តើកណ្ឌនេះបង្រៀនយើងអ្វីខ្លះអំពីមនុស្ស?
៤. តើកណ្ឌនេះអនុវត្តមកកាន់គ្រីស្ទបរិស័ទសព្វថ្ងៃយ៉ាងដូចម្តេច?
១. តើគោលបំណងរបស់កណ្ឌណាហ៊ុមសំរាប់អ្នកអានដើមដំបូងក្នុងសម័យព្រះគម្ពីរសញ្ញាចាស់គឺជាអ្វី?
អត្ថន័យនៃឈ្មោះរបស់ហោរាណាហ៊ុមគឺ «កំសាន្តចិត្ត» ជួយពន្យល់អំពីគោលបំណងរបស់កណ្ឌនេះ។ តើព្រះរាជសារអំពីសេចក្តីវិនាសរបស់នីនីវេនឹងកំសាន្តចិត្តមនុស្សនៅនីនីវេយ៉ាងដូចម្តេច? ព្រះរាជសារនេះមិនមានការកំសាន្តចិត្តទេសម្រាប់ពួកគេ។ ទោះបីជាសាររបស់ហោរាណាហ៊ុមគឺអំពីនីនីវេ ទំនាយទាំងអស់របស់គាត់គឺជាផ្នែកនៃព្រះគម្ពីររបស់អ៊ីស្រាអែល ក៏ព្រះរាជសារនោះទុកសំរាប់អោយអ៊ីស្រាអែលស្តាប់ផងដែរ។ ការស្តាប់លឺការវិនិច្ឆ័យរបស់ព្រះចំពោះនីនីវេនឹងបានកំសាន្តចិត្តជនជាតិអ៊ីស្រាអែល ដែលកំពុងសង្ស័យអំណាច យុត្តិធម៌ ឬសេចក្តីស្មោះត្រង់របស់ព្រះ។ ព្រះរាជសារនេះបានផ្តល់សេចក្តីសង្ឃឹមថា ការគាបសង្កត់នឹងត្រូវបញ្ចប់។
៣. តើកណ្ឌណាហ៊ុមបង្រៀនយើងអ្វីខ្លះអំពីព្រះ?
តាមការរៀបរាប់ខាងលើនេះ យើងមើលឃើញថា កណ្ឌណាហ៊ុមបង្រៀនថា
- ព្រះជាម្ចាស់ទតឃើញគ្រប់ទាំងអស់ ហើយដាក់ទណ្ឌកម្មចំពោះមនុស្សដែលមានចិត្តឃោរឃៅនិងជិះជាន់លើអ្នកដទៃ ជាពិសេសលើរាស្រ្តរបស់ព្រះ។
- ព្រះទ្រង់ប្រច័ណ្ឌ (១:២)។
- ព្រះគ្រប់គ្រងប្រវត្តិសាស្ត្ររបស់មនុស្សជាតិដោយព្រះបន្ទូលរបស់ទ្រង់។ ព្រឹត្តិការណ៍ដែលត្រូវបានកត់ទុកនៅក្នុងកណ្ឌមីកាគឺជាសកម្មភាពរបស់ព្រះ។
- ព្រះមានបន្ទូលមកកាន់រាស្ត្ររបស់ទ្រង់។
- ព្រះអង្គមានព្រះហឫទ័យអត់ធ្មត់។ មុនពេលព្រះបានបំផ្លាញនីនីវេ ទ្រង់បានប្រទានឱកាសជាច្រើនដល់ពួកគេអោយប្រែចិត្ត។
- ព្រះជាម្ចាស់ប្រឆាំងនឹងមនុស្សមានអំនួត (ប្រៀបធៀប យ៉ាកុប ៤:៦; ១ពេត្រុស ៥:៥)។ នីនីវេមានអំនួតយ៉ាងខ្លាំង។
- មនុស្សបះបោរប្រឆាំងនឹងព្រះ ហើយសមនឹងទទួលទណ្ឌកម្មពីទ្រង់។
- អ្នកមានអំណាចមានអំនួតនិងចិត្តឃោរឃៅនិងជិះជាន់លើអ្នកដទៃ
៤. តើកណ្ឌនេះបង្រៀនយើងអ្វីខ្លះអំពីមនុស្ស?
៥. តើកណ្ឌនេះអនុវត្តមកកាន់គ្រីស្ទបរិស័ទសព្វថ្ងៃយ៉ាងដូចម្តេច?
កណ្ឌណាហ៊ុមទាក់ទងនឹងជីវិតរបស់យើងនៅសព្វថ្ងៃនេះនៅក្នុងរបៀបជាច្រើន។
១. ជាដំបូង យើងត្រូវតែមើលឃើញកណ្ឌណាហ៊ុមទាក់ទងនឹងជីវិតរបស់យើងតាមរយៈព្រះយេស៊ូវ។ នៅក្នុងរបៀបជាច្រើន ទំនាយរបស់ហោរាណាហ៊ុមបន្តប្រាប់អំពីរឿងនៃសេចក្តីប្រោសលោះ ហើយប្រកាសអំពីដំណឹងល្អ ដែលបំពេញសំរេចនៅក្នុងព្រះយេស៊ូវគ្រីស្ទ។ មានសេចក្តីសន្យាអំពីដំណឹងល្អនៅក្នុងកណ្ឌណាហ៊ុម គឺជាសេចក្តីសន្យាអំពីដំណឹងល្អ និងសន្តិភាព (១:១៥) និងការដាក់វិន័យរបស់ព្រះនឹងបញ្ចប់ (ខ.១២) ហើយនិងការបញ្ចប់អំណាចរបស់ពួកអ្នកគាបសង្កត់ (ខ.១៣)។
២. នៅពេលការវិនិច្ឆ័យរបស់ព្រះបានប្រកាសចេញ (១:២-៧) អស់អ្នកណា ដែលស្តាប់លឺហើយប្រែចិត្ត នោះនឹងទទួលបានព្រះគុណ។ ទោះបីជាហោរាណាហ៊ុមមិនហៅអោយនីនីវេប្រែចិត្តក៏ដោយ ក៏ការប្រែចិត្តអាចនាំអោយមានសេចក្តីសង្ឃឹមដែរ។ ទំនាយអំពីការវិនិច្ឆ័យគឺជាព្រះគុណរបស់ព្រះចំពោះពួកអ្នកជឿ ពីព្រោះតាមរយៈការព្រមាននេះ ព្រះរក្សាយើងអោយនៅជិតទ្រង់ (ហេព្រើរ ៤:១១; ៦:១-៨)។ នេះគឺជាការមួយ ដែលសំដែងសេចក្តីល្អនៃព្រះទៅកាន់មនុស្សជាតិ។
៣. ព្រះនៅតែទាស់នឹងអ្នកមានអំនួត ហើយដូចដែលទ្រង់បានប្រទានការវិនិច្ឆ័យលើនីនីវេ ដែលមានអំនួត នោះទ្រង់ក៏នឹងប្រទានការវិនិច្ឆ័យលើអ្នកមានអំនួត នៅពេលព្រះយេស៊ូវយាងត្រឡប់មកវិញផងដែរ។
៤. យើងបានទទួលការកំសាន្តចិត្តនៅក្នុងការដឹងថា ព្រះជាម្ចាស់នឹងវិនិច្ឆ័យការអាក្រក់ដោយចៀសមិនរួច។ យើងអាចមានសេចក្តីសង្ឃឹមនិងការអត់ធ្មត់។ ដំណឹងល្អមិនគ្រាន់តែរំដោះយើងចេញពីការវិនិច្ឆ័យរបស់ព្រះមកលើយើង ប៉ុណ្ណោះទេ ប៉ុន្តែក៏រំដោះយើងចេញពីអំណាចគ្រប់គ្រងរបស់លោកិយ សាច់ឈាម អារក្សសាតាំងផងដែរ។ នៅក្នុងការសង្គ្រោះមនុស្ស ព្រះបំផ្លាញនិងទំលាក់អំណាចគ្រប់គ្រងណា ដែលទាស់ប្រឆាំងនឹងការគ្របគ្រងរបស់ទ្រង់ ហើយគាបសង្កត់ដល់រាស្ត្ររបស់ទ្រង់។ នេះជាមូលហេតុ ដែលព្រះយេស៊ូវនឹងលើកមនុស្សខ្លះឡើង ហើយទំលាក់មនុស្សផ្សេងៗទៀតចុះ (លូកា ២:៣៤) ប្រទានចំណីដល់មនុស្សខ្លះ ហើយបណ្តេញមនុស្សខ្លះចេញ (លូកា ១:៥៣)។ ដំណឹងល្អមិនមែនជាដំណឹងល្អសម្រាប់មនុស្សទាំងអស់គ្នាឡើយ នៅក្នុងការសុគតនិងការមានព្រះជន្មរស់ឡើងវិញ ព្រះយេស៊ូវនាំការបញ្ចប់មកអោយចក្រភពផ្សេងៗ ហើយធ្វើអោយពួកអ្នកមានអំណាច ដែលគាបសង្កត់គេ អោយមានសេចក្តីខ្មាស (ទំនុកដំកើង ២; លូកា ២០:៤៣; យ៉ូហាន ១២:៣១; កូល៉ុស ២:១៤-១៥; ហេព្រើរ ១០:១៣)។
៥. ព្រះគម្ពីរទាំងមូលនិយាយអំពីព្រះគុណរបស់ព្រះ ដែលត្រូវបានបើកសំដែងនៅក្នុងព្រះយេស៊ូវ (លូកា ២៤:២៧, ៤៤; យ៉ូហាន ៥:៣៩, ៤៦)។ ព្រះគម្ពីរទាំងមូលនិយាយអំពីដំណឹងល្អ (រ៉ូម ១:១-២; ១ពេត្រុស ១:១០-១២) ហើយនៅក្នុងនោះក៏មានកណ្ឌណាហ៊ុមផងដែរ។ កណ្ឌណាហ៊ុមជួយយើងអោយមើលឃើញអំពីភាពធ្ងន់ធ្ងរនៃការវិនិច្ឆ័យ ដែលព្រះយេស៊ូវគ្រីស្ទបានទទួលជំនួសយើងនៅក្នុងការរងទុក្ខរបស់ទ្រង់។ ការនិយាយចំអកឡកឡឺយ ដែលមនុស្សអាក្រក់សមនឹងទទួល (ណាហ៊ុម ៣:៥-៧) ត្រូវបានធ្លាក់មកលើទ្រង់ (ទំនុកដំកើង ២២:៧; លូកា ២៣:៣៧)។ បើសិនព្រះយេស៊ូវមិនបានធ្វើសកម្មភាពនៃសេចក្តីមេត្តាករុណានេះនៅលើឈើឆ្កាងទេ នោះអនាគតរបស់យើងនឹងដូចជានីនីវេហើយ ប៉ុន្តែផ្ទុយទៅវិញ ឥឡូវនេះយើងឈរនៅក្នុងវត្តមានរបស់ព្រះ ដោយគ្មានកន្លែងបន្ទោសបាន និងដោយអំណរដ៏ក្រៃលែង (យូដាស ២៤)។
Leave a Reply