ភូមិ យ៉ុបប៉េ Joppa
ភូមិយ៉ុបប៉េគឺជាកំពង់ផែ ដែលមានចម្ងាយ៥៦គីឡូម៉ែត្រពីខាងជើងឆៀងខាងលិចយេរូសាឡិម។
នៅពេលអ៊ីស្រាអែលបានបែងចែកទឹកដីសន្យា អំបូរដាន់បានទទួលយ៉ុបប៉េ (យ៉ូស្វេ ១៩:៤៦) ហើយក្រោយមក ពួកភីលីស្ទីនបានដណ្ដើមយកយ៉ុបប៉េ។ ការដណ្ដើមយកទឹកដីរបស់ដាវីឌបានធ្វើអោយយ៉ុបប៉េក្លាយជាទឹកដីរបស់ស្រុកអ៊ីស្រាអែលម្ដងទៀត ហើយនៅសម័យស្តេចសាឡូម៉ូន យ៉ុបប៉េត្រូវបានគេយកធ្វើជាកំពង់ផែសម្រាប់យេរូសាឡិម (សូមមើល ២របាក្សត្រ ២:១៦)។
នៅពេលព្រះជាម្ចាស់មានព្រះបន្ទូលមកកាន់ហោរាយ៉ូណាស ហើយបង្គាប់គាត់ធ្វើដំណើរទៅក្រុងនីនីវេ ដើម្បីព្រមានគេហើយប្រកាសថា គេត្រូវប្រែចិត្ត នោះលោកយ៉ូណាសក៏ក្រោកឡើង ហើយគេចខ្លួនទៅក្រុងតើស៊ីស ហើយគាត់ទៅដល់ក្រុងយ៉ុបប៉េ ក៏រកឃើញសំពៅមួយដែលហៀបនឹងចេញដំណើរទៅក្រុងតើស៊ីស (យ៉ូណាស ១:៣)។
ស្តេចហេរ៉ូដបានស្អប់បណ្តាជននៅភូមិយ៉ុបប៉េ ដូច្នេះគាត់បានសាងសង់កំពង់ផែថ្មីមួយ ដែលមានចម្ងាយប្រហែល៦៤គីឡូម៉ែត្រពីខាងជើងភូមិយ៉ុបប៉េ។
ពួកជំនុំគ្រីស្ទបរិស័ទត្រូវបានចាប់ផ្តើមដំបូងនៅយ៉ុបប៉េ ហើយគ្រីស្ទបរិស័ទម្នាក់ឈ្មោះ តេប៊ីថា ដែលភាសាក្រិកថា «ឌ័រកាស» ដែលពេត្រុសបានប្រោសឲ្យរស់ពីស្លាប់ឡើងវិញ បានមកពីយ៉ុបប៉េ (កិច្ចការ ៩:៣៦–៤១)។ ស៊ីម៉ូន (ជាអ្នកសម្លាប់ស្បែក)រស់នៅយ៉ុបប៉េផងដែរ (ខ.៤៣)។ ព្រះជាម្ចាស់បានហៅពេត្រុសពីយ៉ុបប៉េទៅ ហើយទ្រង់បានហៅពេត្រុសទៅឯ សេសារា ដើម្បីប្រកាសដំណឹងល្អដល់កូនេលាស (កិច្ចការ ១០:១–៤៨)។
Leave a Reply