ពូជអំបូរអ៊ីសាខារ Tribe of Issachar គឺជាពូជពង្សរបស់អ៊ីសាខារ ដែលជាកូនប្រុសទីប្រាំបួនរបស់យ៉ាកុប និងទីប្រាំរបស់លេអា (លោកុប្បត្ដិ ៣០:១៨) (សូមមើល http://www.dkdl.org/?page_id=2021)។
ក្នុងកំឡុងពេលធ្វើដំណើរឆ្លងកាត់វាលរហោស្ថាន ពូជអំបូរអ៊ីសាខារបានដើរជាមួយពូជអំបូរយូដានិងសាប់យូល៉ូន (ជនគណនា ២:៥) នៅខាងកើតរោងឧបោសថ។ នៅពេលធ្វើជំរឿននៅភ្នំស៊ីណាយ ពូជអំបូរនេះមានអ្នកចម្បាំងចំនួន៥៤៤០០នាក់។ បន្ទាប់ពីបានចូលទៅក្នុងទឹកដីសន្យា ពូជអំបូរនេះនៅក្នុងចំណោមពូជអំបូរទាំងប្រាំមួយ ដែលបានឈរនៅលើភ្នំកេរិស៊ីម នៅកំឡុងពេលធ្វើពិធីប្រកាសអំពីព្រះពរនិងបណ្តាសា(ចោទិយកថា ២៧:១២)។ យ៉ូស្វេ ១៩:១៧-២៣ មាននិយាយអំពីការបែងចែកទឹកដីសម្រាប់អ៊ីសាខារ។ ការប្រកាសព្រះពររបស់យ៉ាកុបចំពោះអ៊ីសាខារស៊ីគ្នានឹងព្រះពរដែលម៉ូសេបានប្រកាស (លោកុប្បត្ដិ ៤៩:១៤-១៥; ប្រៀបធៀប ៖ ចោទិយកថា ៣៣:១៨-១៩)។
Leave a Reply