សាសន៍ម៉ាឌាន Midianites គឺជាពូជអំបូរអារ៉ាប់ ដែលជាពូជពង្សរបស់ម៉ាឌាន។ ពួកគេភាគច្រើនបានរស់នៅវាលរហោស្ថានខាងជើងឧបទ្វីបអារ៉ាប់។ ឧបទ្វីបស៊ីណាយគឺជាវាលស្មៅសម្រាប់ហ្វូងសត្វរបស់ពួកគេ។ ពួកគេគឺជាពូជអំបូរមានអំណាចគ្រប់គ្រងនៅស្រុកអារ៉ាប់។ ពួកគេគឺជាចរកជន ដូចជាសាសន៍អារ៉ាប់ផ្សេងៗទៀតផងដែរ។ បងប្រុសរបស់យ៉ូសែបបានលក់យ៉ូសែបទៅឈ្មួញជាតិម៉ាឌាន (លោកុប្បត្ដិ ៣៧:២៨, ៣៦)។ នៅស្រុកម៉ាឌានម៉ូសេបានក្លាយជាបាវបម្រើហើយក្រោយមកទៀតក្លាយជាកូនប្រសាប្រុសរបស់យេត្រូដែលសង្ឃ (និក្ខមនំ ២:១៥-២១)។ បន្ទាប់ពីការធ្វើដំណើរចេញពីស្រុកអេស៊ីព្ទមកសាសន៍ម៉ាឌានមានទំនាក់ទំនងល្អជាមួយជនជាតិអ៊ីស្រាអែល លើកលែងតែពួកគេបានឆ្លងកាត់វាលស្មៅនៅខាងលិចស្រុកអាបារ៉ារបស់ពួកគេប៉ុណ្ណោះ ប៉ុន្តែនៅពេលជនជាតិអ៊ីស្រាអែលបានចូលនៅក្នុងស្រុកម៉ាឌាន នោះសាសន៍ម៉ាឌានបានរួមគំនិតជាមួយស្តេចម៉ូអាប់ បាឡាក ប្រឆាំងនឹងពួកគេ (ជនគណនា ២២:៤-៧)។ បាឡាមដែលត្រូវបានបញ្ជូនទៅដាក់បណ្តាសាអ៊ីស្រាអែលមិនបានដាក់បណ្តាសាទេ ប៉ុន្តែគាត់បាននាំអោយសាសន៍ម៉ាឌានទាក់ទងជាមួយជនជាតិអ៊ីស្រាអែលដែលនាំអោយមានការស៊ីផឹក ដែលមានទាំងការថ្វាយបង្គំព្រះបាល-ពេអរ ហើយអ៊ីស្រាអែលបានទទួលទណ្ឌកម្មយ៉ាងធ្ងន់ធ្ងរ។ មានគ្រោះចង្រៃមួយបានកើតឡើងនៅក្នុងចំណោមពួកគេហើយមនុស្សជាង២៤០០០នាក់បានស្លាប់ (ជនគណនា ២៥:៩)។ មានការសងសឹកចំពោះសាសន៍ម៉ាឌាន។ ក្រោមការដឹកនាំរបស់ភីនេហាស អ្នកចម្បាំងមួយពាន់នាក់មកពីពូជអំបូរនីមួយៗបានធ្វើសង្គ្រាមប្រឆាំងនឹងពួកគេ។ សាសន៍ម៉ាឌានត្រូវខ្ចាត់ខ្ចាយទាំងស្រុង ហើយទីក្រុងទាំងប៉ុន្មានរបស់ពួកគេត្រូវភ្លើងឆេះអស់ ស្តេចចំនួនប្រាំអង្គរបស់ពួកគេត្រូវបានសំឡាប់ហើយជាតិសាសន៍ម៉ាឌានទាំងមូលត្រូវវិនាស (យ៉ូស្វេ ១៣:២១, ២២)។ ស្រុកម៉ាឌានទាំងមូលនៅខាងកើតទន្លេយ័រដាន់ពេលនេះជនជាតិអ៊ីស្រាអែលច្បាំងដណ្តើមបាន ត្រូវបែងចែកជាពីរចំណែកសម្រាប់ពូជអំបូររូបេននិងកាឌ់និងពូជអំបូរម៉ាន៉ាសេពាក់កណ្តាល។
រយៈពេលពីររយហាសិបឆ្នាំក្រោយមកទៀត សាសន៍ម៉ាឌាននេះបានសាងសង់អំណាចពីមុនរបស់ពួកគេឡើងវិញ ហើយដោយសហការជាមួយសាសន៍អាម៉ាលេក ពួកគេបានធ្វើសង្គ្រាមជាមួយជនជាតិអ៊ីស្រាអែលដែលពួកគេបានគ្រប់គ្រងនិងកៀបសង្កត់អស់រយៈពេលប្រាំពីរឆ្នាំ។ គេឌានបានប្រយុទ្ធជាមួយពួកគេ ហើយបានបំផ្លាញពួកគេ (ចៅហ្វាយ ៦:១-៧:២៥)។ ក្រោយមកទៀត មានការនិយាយពីជ័យជំនះដ៏ធំនេះជាច្រើនដង (ទំនុកដំកើង ៨៣:១០, ១២; អេសាយ៩:៤; ១០:៦)។
Leave a Reply