ពូជអំបូរសាប់យូល៉ូន Zebulunites គឺជាពូជពង្សរបស់កូនប្រុសទីប្រាំមួយនិងពៅគេរបស់យ៉ាកុបនិងលេអា (លោកុប្បត្ដិ ៣០:២០) (សូមមើល http://www.dkdl.org/?page_id=2021)។ ពូជអំបូរនេះត្រូវបានធ្វើជំរឿននៅភ្នំស៊ីណាយ (ជនគណនា ១:៣១) ហើយមុនពេលចូលទៅក្នុងស្រុកកាណាន (២៦:២៧)។ ពូជអំបូរនេះ មិនបានបណ្តេញសាសន៍កាណានចេញពីទឹកដី ប៉ុន្តែអោយពួកគេរស់នៅក្រោមចំណុះវិញ (ចៅហ្វាយ ១:៣០)។ ពូជអំបូរនេះបានឆ្លើយតបចំពោះការប្រជុំរបស់គេឌាន (ចៅហ្វាយ ៦:៣៥) ហើយក្រោយមកទៀតបានជួយដល់ការអភិសេកស្តេចដាវីឌនៅហេប្រុន (១របាក្សត្រ ១២:៣៣, ៤០)។ ពូជអំបូរសាប់យូល៉ូនក៏ត្រូវបានចាប់យកទៅក្នុងទឹកដីអាសស៊ើរ (២ពង្សាតារក្សត្រ ១៥:២៩) ជាមួយពូជអំបូរភាគខាងជើងផ្សេងៗទៀតផងដែរ។ យោងតាមទំនាយពីបុរាណ ព្រះយេស៊ូវបានបំពេញព័ន្ធកិច្ចរបស់ទ្រង់មួយចំនួននៅផ្នែកនៃស្រុកកាលីឡេ ដែលសាប់យូល៉ូនបានទទួលជាមរតក (អេសាយ ៩:១, ២; ម៉ាថាយ ៤:១២–១៦)។
Leave a Reply