ភីលីព ១:២៧-២:១១
ការប្រព្រឹត្តបែបសមនឹងដំណឹងល្អរបស់ព្រះគ្រីស្ទ
ការរំលឹក
នៅក្នុងអត្ថបទមុននេះលោកប៉ុលបានពិពណ៌នាអំពីស្ថានភាពរបស់គាត់ដែលកំពុងតែជាប់នៅក្នុងពន្ធនាគារ។ គាត់បានសរសេរថា ‹‹ហើយដែលស្លាប់ទៅ នោះជាកំរៃវិញ›› ប៉ុន្តែគាត់ចង់រស់នៅដើម្បីនឹងបំរើដល់ពួកជំនុំនៅភីលីព។ ឥឡូវនេះជាប់ពីខ២៧ទៅ លោកប៉ុលនឹងសរសេរអំពីស្ថានភាពនៃពួកជំនុំនៅទីក្រុងភីលីព។
សូមអានភីលីព ១:២៧-២:១១ ទាំងមូល។
សូមអាន ខ២៧ ម្ដងទៀត។
តើ លោកប៉ុលលើកទឹកចិត្តឲ្យគ្រីស្ទបរិស័ទនៅទីក្រុងភីលីពធ្វើអ្វីខ្លះ?
ការជជែកគ្នា
ជួនកាលយើងឮគេបង្រៀនថា ចូរប្រព្រឹត្តឲ្យសមទៅនឹងភាពជាប្រជាពលរដ្ឋខ្មែរ ឬ ភាពជាសមាជិករបស់គ្រួសារ។ ដើម្បីអោយមានជីវិតស្របទៅនឹងដំណឹងល្អ តើអ្នកត្រូវប្រព្រឹត្តដូចម្តេចខ្លះ?
នៅក្នុង ១:២៧-២:១១ លោកប៉ុលពន្យល់អំពីជីវិតដែលប្រព្រឹត្តបែបសមនឹងដំណឹងល្អរបស់ព្រះគ្រីស្ទ។
ការពន្យល់
សូមអាន ៤:១។ នៅក្នុង១:២៧ លោកប៉ុលបានដាស់តឿនពួកគេឲ្យឈរដោយមាំមួន ហើយនៅក្នុង ៤:១ គាត់សរសេរថា ‹‹ចូរឈរឲ្យមាំមួនក្នុងព្រះអម្ចាស់ចុះ›› ដូច្នេះយើងឃើញថានេះគឺជាផ្ទៃរឿងដ៏សំខាន់នៅក្នុងសំបុត្រភីលីព ហើយអ្វីៗដែលយើងបានអាននៅក្នុងព្រះគម្ពីរភីលីពនេះ ក៏មានគោលបំណងលើកទឹកចិត្តយើងរាល់គ្នាឲ្យឈរមាំមួនក្នុងព្រះអម្ចាស់ដូច្នោះដែរ។
សូមអាន ខ២៨។ តើពួកជំនុំនៅទីក្រុងភីលីពមានស្ថានភាពរស់នៅយ៉ាងដូចម្តេច?
សូមអាន ខ២៩-៣០។ តើព្រះអង្គប្រណីសន្ដោសដល់យើងអ្វីខ្លះ?
សូមអាន ២:១
នៅក្នុងអត្ថបទនេះលោកប៉ុលសរសេរថា ‹‹បើសិនជាមាន ឬសេចក្ដី ឬសេចក្ដី ឬសេចក្ដី និងសេចក្ដី ››
ការជជែកគ្នា
តើលោកអ្នកបងប្អូនមានសេចក្ដីទាំងនេះដែរឬទេ? សូមជជែកគ្នា។
សូមអាន ២:២-៤។
តើអត្ថបទនេះអប់រំឱ្យធ្វើអ្វីខ្លះ?
ការជជែកគ្នា
តើអ្នកគិតថាការអនុវត្តតាមដំបូន្មាននេះពិបាកឬទេ? ព្រោះអ្វី?
សូមចងចាំថា លោកប៉ុលបានសរសេរសំបុត្រនេះទៅកាន់ពួកជំនុំ ហើយយើងក៏ត្រូវអនុវត្តន៍នៅក្នុងពួកជំនុំផងដែរ។ តើសមាជិកនៃពួកជំនុំរបស់អ្នកបានអនុវត្តន៍តាមដំបូន្មានខាងលើនេះនៅក្នុងការទាក់ទងគ្នាដែរឬទេ?
តើអ្នកត្រូវធ្វើអ្វីខ្លះដើម្បីស្របតាមដំបូន្មាននៅក្នុងខ២-៤?
សូមអាន ២:៥។
តើយើងត្រូវមានគំនិតគិតដូចជានរណា?
២:៦-១១ នឹងបង្រៀនអំពីគំនិតគិត(អាកប្បកិរិយា)របស់ព្រះគ្រីស្ទ។
សូមអាន ២:៦-៨។
តើអត្ថបទនេះបានបង្រៀនយើងអ្វីខ្លះអំពីព្រះយេស៊ូវ និង អាកប្បកិរិយារបស់ព្រះអង្គ?
ការអនុវត្តន៍
នៅក្នុងខ៥លោកប៉ុលបានដាស់តឿនពួកជំនុំទីក្រុងភីលីពឲ្យមានអាកប្បកិរិយាដូចជាព្រះយេស៊ូវ។ តាមខ៦-៩ តើអ្នកត្រូវផ្លាស់ប្តូរអ្វីខ្លះនៅក្នុងជីវិត ដើម្បីអោយមានគំនិតគិតដូចជាព្រះគ្រីស្ទនោះ?
សូមអាន ២:៩-១១។
តើលទ្ធផលដែលកើតចេញអំពីការស្ដាប់បង្គាប់ដ៏សុភាពគឺជាអ្វី?
ការពន្យល់
មនុស្សភាគច្រើនឥតបានដឹងអំពីអ្វីដែលនឹងត្រូវកើតឡើងនៅពេលអនាគតនោះទេ ប៉ុន្តែគ្រីស្ទបរិស័ទដឹងយ៉ាងច្បាស់ថា មនុស្សទាំងអស់នឹងលុតជង្គង់ ហើយថ្លែងឡើងថា ព្រះយេស៊ូវគ្រីស្ទទ្រង់ជាព្រះអម្ចាស់។ នេះជាគោលបំណងសំរាប់សកលលោកទាំងមូល។
រំលឹកឡើងវិញ តើលោកអ្នកបងប្អូនបានរៀនអ្វីខ្លះចេញពី ភីលីព ១:២៧-២:១១?
ការអនុវត្តន៍ អ្វីដែលយើងបានរៀនតាមរយៈបទគម្ពីរនេះ តើយើងត្រូវយកវាមកអនុវត្តន៍ចំពោះខ្លួនយើងយ៉ាងដូចម្តេចនាពេលសព្វថ្ងៃនេះ?
Leave a Reply