អេសាយ ១:១
សូមអាន អេសាយ ១:១ ហើយឆ្លើយសំនួរខាងក្រោម។
អេសាយបានឃើញការជាក់ស្តែងពីដំណើរ________________នឹង____________________។
អេសាយបានឃើញនិមិត្តទាំងនេះក្នុងរជ្ជកាលស្តេចណាខ្លះ?
ប្រយោជន៍អោយអ្នកដឹងអំពីស្ថានភាពរបស់ហោរាអេសាយយើងត្រូវសិក្សាអំពីរជ្ជកាលរបស់ស្តេចទាំងនេះ។ សម្រាប់រជ្ជកាលរបស់ស្តេចយ៉ូថាម សូមអាន ២ពង្សាវតារក្សត្រ ១៥:៣២-៣៧ នឹងឆ្លើយសំនួរខាងក្រោម។
តើ ស្តេចយ៉ូថាមគាប់ព្រះហឫទ័យព្រះជាម្ចាស់ឬទេ?
តើ បានស្ដេចយ៉ូថាមបានលុបបំបាត់ទីខ្ពស់ឬទេ?
តើ ប្រជាជនយូដាបានធ្វើអ្វីតាមទីខ្ពស់ៗ?
នៅគ្រានោះ ព្រះជាម្ចាស់បានចាប់ផ្ដើមចាត់រេស៊ីន ជាស្ដេចស្រុកស៊ីរី និងពេកាអោយមកធ្វើអ្វី?
សម្រាប់រជ្ជកាលរបស់ស្តេចអេហាស សូមអាន ២ពង្សាវតារក្សត្រ ១៦:១-៩ នឹងឆ្លើយសំនួរខាងក្រោម។
តើ ស្តេចអេហាសគាប់ព្រះហឫទ័យព្រះជាម្ចាស់ឬទេ? តើ អេហាសបានប្រព្រឹត្តអ្វីខ្លះ (ខ. ៣-៤)?
តើ នរណាបាននាំគ្នាឡើងមកវាយលុកក្រុងយេរូសាឡិម (ខ. ៥)?
តើ ស្តេចអេហាសបានធ្វើអ្វីដើម្បីដោះស្រាយស្ថានភាពនេះ (ខ. ៧-៨)?
សម្រាប់រជ្ជកាលរបស់ស្តេចហេសេគា សូមអាន ២ពង្សាវតារក្សត្រ ១៨:១-៨ នឹងឆ្លើយសំនួរខាងក្រោម។
តើ ស្តេចហេសេគាគាប់ព្រះហឫទ័យព្រះជាម្ចាស់ឬទេ? តើ ហេសេគាបានប្រព្រឹត្តអ្វីខ្លះ (ខ. ៤-៨)?
ការពន្យល់ កណ្ឌអេសាយគឺជាសៀវភៅដ៏ល្អអស្ចារ្យ ដែលបានសង្ខេបព្រះរាជសារនៃព្រះគម្ពីរទាំងមូលនៅក្នុងកណ្ឌតែមួយ។ មានរបៀបផ្សេងៗដែលយើងអាចពន្យល់និងប្រកាសព្រះរាជសារនៃព្រះគម្ពីរ ដូចជា ពន្យល់អំពីផែនការសង្គ្រោះរបស់ព្រះជាម្ចាស់ ឬសេចក្ដីសន្យារបស់ទ្រង់ ឬពូជរបស់អ័ប្រាហាំជាដើម ហើយរបៀបទាំងអស់នេះទាក់ទងគ្នា។ កណ្ឌអេសាយបានប្រកាសព្រះរាជសារនៃព្រះគម្ពីរដោយនិទានរឿងអំពីក្រុងពីរ គឺក្រុងយេរូសាឡិមនិងក្រុងបាប៊ីឡូន។ ដូច្នេះហើយយើងឃើញនៅក្នុង ១:១ ថាហោរាអេសាយបានឃើញជាក់ស្តែងពីដំណើរស្រុកយូដានឹងក្រុងយេរូសាឡឹម។ ក្រុងយេរូសាឡិមគឺជាក្រុងដែលព្រះជាម្ចាស់បានជ្រើសរើសហើយវាតំណាងនគរព្រះ ពីព្រោះយេរូសាឡិមគឺជាក្រុងដែលព្រះអង្គគ្រប់គ្រង ប៉ុន្តែតាមប្រវត្តិសាស្ត្របណ្តាជននៅយេរូសាឡិមបានបះបោរប្រឆាំងនឹងព្រះជាម្ចាស់។ ដូច្នេះយើងត្រូវយល់អំពីប្រវត្តិសាស្ត្រនៃយូដានិងយេរូសាឡិមនៅសម័យអេសាយ ប្រយោជន៍ដើម្បីជួយយើងយល់អំពីប្រសាសន៍នៃកណ្ឌនេះ។ ការយល់ដឹងនេះនឹងជួយយើងអនុវត្តកណ្ឌអេសាយនៅសព្វថ្ងៃនេះ។
អេសាយបានប្រកាសព្រះបន្ទូលពីឆ្នាំ ៧៤០មុនគ.ស. ដល់៧០០មុនគ.ស.។ នៅសម័យនេះអាសសើរបានរីកឡើងនៅក្រោមការគ្រប់គ្រងរបស់ស្តេចទីកឡាត-ពីលេស៊ើរ។ អាសសើរបានបំផ្លាញអ៊ីស្រាអែល ប៉ុន្តែព្រះជាម្ចាស់បានសន្យាថាអាសសើរនឹងមិនបំផ្លាញយូដាទេ។ ស្តេចអេហាសបានបម្រើស្តេចទីកឡាត-ពីលេស៊ើរ (ស្ដេចស្រុកអាសសើរ ២ពង្សាវតារក្សត្រ ១៦:៧) ប៉ុន្តែស្តេចហេសេគាបានបះបោរប្រឆាំងនឹងស្ដេចស្រុកអាសសើរ (២ពង្សាវតារក្សត្រ ១៨:៧)។ ប៉ុន្តែស្ដេចហេសេគាបាននាំរាជទូតរបស់ស្រុកបាប៊ីឡូនទៅទស្សនាកន្លែងដែលស្ដេចទុកវត្ថុដ៏មានតម្លៃ និងអ្វីៗទាំងអស់ដែលមាននៅក្នុងឃ្លាំងរាជ្យទ្រព្យ។ ហោរាអេសាយបានប្រកាសព្រះបន្ទូលថា នៅគ្រាខាងមុខរាជ្យទ្រព្យទាំងអស់ ដែលស្ថិតនៅក្នុងវាំងរបស់ស្ដេចហេសេគា នឹងត្រូវគេដឹកជញ្ជូនយកទៅស្រុកបាប៊ីឡូន (អេសាយ ៣៩:១-៧)។ មួយវិញទៀតសោត អេសាយបានប្រកាសថា បន្ទាប់មកប្រជាជនយូដាដែលនៅសេសសល់ ដែលព្រះជាម្ចាស់បានរំដោះ នឹងនាំគ្នាចាកចេញពីក្រុងបាប៊ីឡូនហើយនឹងដើរត្រឡប់មកយេរូសាឡិមវិញ (អេសាយ ១០:២០-២២; ៣៥:១០; ៤៨:២០; ៥១:១១)។
ព្រះរាជសារនៃកណ្ឌអេសាយឆ្លើយសំនួរជាច្រើនដូចជា តើ ផែនការរបស់ព្រះជាម្ចាស់គឺជាអ្វី? តើ ព្រះអង្គសំរេចតាមព្រះបន្ទូលសន្យារបស់ទ្រង់ឬទេ? តើ ព្រះជាម្ចាស់គ្រប់គ្រងលើប្រវត្តិសាស្ត្រឬទេ?
រំលឹកទ្បើងវិញ តើយើងបានរៀនអ្វីចេញពីអេសាយ ១:១ និងអត្ថបទយើងអានពីពង្សាវតារក្សត្រ ទី២?
Leave a Reply